სასწავლო წლის ფერადი დასასრული თბილისის N16 სკოლაში - მეოთხეკლასელებმა დაუვიწყარი ოთხი წელი ღონისძიებით შეაჯამეს
23-06-2022
დავით სარაჯიშვილის სახელობის თბილისის N16 საჯარო სკოლაში სასწავლო წელი წარმატებით დამთავრდა.
სასწავლო წლის ფერად დასასრულად კი მე-4 კლასის გამოსაშვები ღონისძიება იქცა. ღონისძიება ემოციური და ამაღელვებელი იყო, მე-4გ კლასის მოსწავლეები დიდი სიყვარულით დაემშვიდობნენ პირველ მასწავლებელს, თამარ თვალჭრელიძეს.
მოსწავლეებმა, ღია ცის ქვეშ, სკოლის ეზოში ნაყოფიერი და დაუვიწყარი ოთხი წელი შეაჯამეს. იყო ბევრი ემოცია, სითბო, სიხარული, მუსიკა და საუკეთესო სურვილები.
მეოთხეკლასელებმა მასწავლებელს შრომისა და ამაგისთვის მადლობა გადაუხადეს. პედაგოგმა კი მოსწავლეებს გზა დაულოცა და უსურვა, მომავალ სასწავლო წელს ისეთივე წარმატებით და შემართებით შეუდგნენ სწავლას, როგორც პირველ ოთხ კლასში.
იხილეთ ვიდეო:
სკოლების სიახლეები
