2021-2022 სასწავლო წელი დასრულდა, საქართველოს სკოლების წარმატებული დირექტორები წელს აჯამებენ და გვიყვებიან რით იყო გამორჩეული 2021-2022 სასწავლო წელი? რას ურჩევდნენ მოსწავლეთა მშობლებს არდადეგებზე? და რა სჭირდება ყველაზე მეტად განათლების სისტემას.
ამჯერად, საინტერესო ბლიც-კითხვებით etaloni.ge ქუთაისის N1 საჯარო სკოლის დირექტორ სალომე სარალიძეს დაუკავშირდა.
- სკოლა ჩემთვის არის. . .
- ურთიერთობები, ადგილი სადაც ადამიანი სხვებთან და საკუთარ თავთან ურთიერთობას სწავლობს.
- მოტივაცია მემატება, როცა. . .
- კლასში შევდივარ და გაკვეთილი იწყება.
- მოსწავლეებთან გამომშვიდობება ყოველთვის. . .
- განვლილი წლის ანალიზი და მომავალი წლის უკეთ დაგეგმვის პასუხისმგებლობაა.
- განათლების სისტემას სჭირდება. . .
- კიდევ უფრო მეტი საინტერესო პროექტი.
- სასწავლო წელი გამორჩეული იყო. . .
- მესამე თაობის ახალი ეროვნული სასწავლო გეგმის დანერგვისა და განხორციელების აქტიური პროცესებით. სიახლეებითა და გამოწვევებით სავსე, რომელსაც ვფიქრობ, რომ თავი ღირსეულად გავართვი.
- არდადეგებზე მშობლებს ვურჩევ. . .
- ხშირად მისცენ ბავშვებს დასვენებისა და თანატოლებთან ჯანსაღი ურთიერთობის საშუალება.
- სასწავლო წლის დასასრულს. . .
- საგნობრივ კათედრებთან ერთად ვაჯამებ განვლილს და ვგეგმავთ ახალ სასწავლო წელს.
