თბილისის N200 საჯარო სკოლის მოსწავლეთა და ხელოვნების მასწავლებლის ნამუშევრები საქველმოქმედო გამოფენა-გაყიდვაზე გამოიფინა.
გამოფენა-გაყიდვა კონფერენციის - „ინკლუზიური განათლების ხელშეწყობა სკოლის მართვაში“ ფარგლებში გაიმართა.
კონფერენციას შშმ პირთა უფლებების დაცვის დღესთან დაკავშირებით, თბილისის №198 საჯარო სკოლამ კონფერენციას უმასპინძლა.
კონფერენცია, ზოგადი განათლების რეფორმის, ლიდერობის კომპონენტის ფარგლებში ჩატარდა, რომლის მიზანიც სკოლების მიერ წარმატებული პროექტების შეჯამება და საუკეთესო პრაქტიკის გაზიარება იყო.
კონფერენციის მსვლელობისას ვაკე-საბურთალოს სკოლებისა და რესურს სკოლების მოსწავლეთა ნამუშევრების გამოფენა-გაყიდვა გაიმართა. № 200 საჯარო სკოლა გამოფენა-გაყიდვის პროცესში მონაწილეობდა.
„ღონისძიებაზე წარმოდგენილი იყო ჩვენი მოსწავლეეების და ხელოვნების მასწავლებლის მიერ შექმნილი ნამუშევრები. სკოლის წარმომადგენლებმა შეიძინეს სხვა რესურს სკოლების მიერ გამოფენილი ნახატები. შემოსული თანხა მთლიანად გადაირიცხება დავით ქოქრაშვილის მკურნალობისთვის“,- გვიყვებიან სკოლაში.
იხილეთ ფოტოები:
