გურჯაანის მუნიციპალიტეტის ჯიმითის საჯარო სკოლაში მოსწავლეთა ინტერესებზე მორგებული, მრავალფეროვანი სასწავლო გარემოა შექმნილი. დირექცია და პედაგოგები მოსწავლეებს არაერთ საინტერესო ღონისძიებასა თუ აქტივობას სთავაზობენ და სასწავლო რესურსებს აწვდიან. არც 2021-2022 სასწავლო წელი ყოფილა გამონაკლისი. წელი გაჯერებული იყო საგანმანათლებლო, გასართობი თუ წამახალისებელი ღონისძიებებით.
მათ, შორის აუცილებლად აღსანიშნავია სკოლაში ჩატარებული მუსიკალური ღონისძიება - „მელომანი“.
ღონისძიებას მუსიკის პედაგოგი თეა ჯაფოშვილი ხელმძღვანელობდა. აქტივობაში V-VIII კლასის მოსწავლეები მონაწილეობდნენ.
„მელომანს“ უძღვებოდნენ მე-10 კლასის მოსწავლეები: ნია ღვინაშვილი და საბა შანყულაშვილი.
ღონისძიება რამდენიმე ტურად ჩატარდა. მასში კლასის ხელმძღვანელებიც მონაწილეობდნენ. გამარჯვება მე-5 კლასის მოსწავლეებმა მოიპოვეს.
„წარმატებას ვუსურვებთ პედაგოგსა და თითოეულ მოსწავლეს!“,- აღნიშნავენ სკოლაში.
იხილეთ ფოტოები:
