ქობულეთის მუნიციპალიტეტის სოფელ აჭყვას საჯარო სკოლაში მოსწავლის ინტერესებზე მორგებული სასწავლო გარემოა შექმნილი. პედაგოგები ძალ-ღონეს არ იშურებენ, რომ მოსწავლეებს ხარისხიანი განათლება მისცენ და მიზნით მრავალფეროვან გაკვეთილებს სთავაზობენ და არაერთ სასწავლო რესურსს აწვდიან.
ახლახან, აჭყვას საჯარო სკოლაში ისტორიის მასწავლებელმა, ია გორგაძემ, ისტორიის კვირეულის ფარგლებში, მე-6 კლასში შიდა შეფასების გაკვეთილი ჩაატარა. გაკვეთილის თემა იყო - „საქართველოს კუთხეები“.
მოსწავლეებმა წარმოადგინეს საქართველოს კუთხეები მათი სამზარეულოთი, გაინაწილეს დავალებები.
კვირეული საინტერესოდ წარიმართა, მოსწავლეებმა თითოეული კუთხის დამახასიათებელი კერძები მოამზადეს ხალისითა და გემოვნებით. მოსწავლეებს განუვითარდათ ჯგუფური მუშაობის უნარები - კვირეულის ფარგლებში თანამშრომლობდნენ, ერთმანეთის მოსაზრებას ისმენდნენ, აანალიზებდნენ.
კვირეულის მიზანი იყო - სწავლა კეთებით, რაც სანიმუშოდ გამოუვიდათ. კვირეულის ფარგლებში ჩატარებულ აქტივობაში იგრძნობოდა მშობელთა ჩართულობაც.
„საინტერესო და შინაარსიანი გაკვეთილებისთვის მადლობას ვუხდით ისტორიის მასწავლებელ ია გორგაძეს და, რა თქმა უნდა, მე–6 კლასის მოსწავლეებს“,- აღნიშნავენ სკოლაში.
იხილეთ ვიდეოები:
