ქობულეთის მუნიციპალიტეტის სოფელ ჩაისუბნის N2 საჯარო სკოლაში მოსწავლეები საინტერესო კომპლექსურ დავალებაზე აქტიურად მუშაობენ.
ამჯერად, VIII კლასში მოსწავლეებმა თემაზე - „სამთო ქოხი“ კომპლექსურ დავალებაზე იმუშავეს. აღსანიშნავია, რომ მოსწავლეების ფიზიკის პედაგოგი ნათელა ტეტემაძეა.
„საგნობრივი საკითხები იყო: ატმოსფერული წნევა, დუღილი, დუღილის ტემპერატურის დამოკიდებულება ატმოსფერულ წნევაზე. მოსწავლეებმა მოამზადეს პოსტერები და პრეზენტაციები, რომელშიც ასახული იყო ატმოსფერული წნევისა და დუღილის ტემპერატურის ურთიერთდამოკიდებულება ზღვის დონის ცვლილებისას. ისაუბრეს თუ, რა პრობლემები წარმოიქმნება მთაში მოგზაურობისას და გასცეს რეკომენდაციები გამოუცდელი ტურისტებისთვის. მოსწავლეებმა დავალებას წარმატებით გაართვეს თავი, გაკვეთილი გამოვიდა საინტერესო და პროდუქტიული“, - წერია გავრცელებულ ინფორმაციაში.
იხილეთ ფოტოები:
