სასწავლო წელი დასასრულს უახლოვდება, საქართველოს სკოლების წარმატებული დირექტორები წელს აჯამებენ და გვიყვებიან რით იყო გამორჩეული 2021-2022 სასწავლო წელი? რას ურჩევდნენ მოსწავლეთა მშობლებს არდადეგებზე? და რა სჭირდება ყველაზე მეტად განათლების სისტემას.
ამჯერად, საინტერესო ბლიც-კითხვებით etaloni.ge კასპის მუნიციპალიტეტის სოფელ ფერმის საჯარო სკოლის დირექტორ შახალ ისმაილოვს დაუკავშირდა.
- სკოლა ჩემთვის არის. . .
- მეორე ოჯახი და ჩემი საყვარელი ადგილი, სადაც თავისუფლად ვსუნთქავ.
- მოტივაცია მემატება, როცა. . .
- როცა მოსწავლეების გაღიმებულ და კმაყოფილ სახეებს ვხედავ.
- მოსწავლეებთან გამომშვიდობება ყოველთვის. . .
- მეძნელება, თვალწინ მიდგას ის წლები, რომელიც მათ ჩვენთან გაატარეს.
- განათლების სისტემას სჭირდება. . .
- სათუთი მიდგომა, რათა მოსწავლეებისათვის და მასწავლებლებისათვის სასიამოვნო და საინტერესო გარემო შეიქმნას სკოლაში.
- სასწავლო წელი გამორჩეული იყო. . .
- საინტერესო ღონისძიებებით, მასწავლებელთა გადამზადების პროგრამით, მხიარული სპორტული ცხოვრებით.
- არდადეგებზე მშობლებს ვურჩევ. . .
- უფრო მეტი ყურადღება და დრო დაუთმონ საკუთარ შვილებს, ჩაიხედონ მათ სულებში და გამოიტანონ დასკვნები.
- სასწავლო წლის დასასრულს. . .
- სასწავლო წლის დასასრულს გზას დავულოცავ სკოლის კურსდამთავრებულებს, ბედნიერ არდადეგებს ვუსურვებ მოსწავლეებს და შინაარსიან შვებულებას მასწავლებლებს.
