რას ნიშნავს მისთვის სკოლა? რა სჭირდება განათლების სისტემას? და მისი აზრით, რით იყო 2021-2022 სასწავლო წელი გამორჩეული - etaloni.ge-ს ამ და სხვა საინტერესო ბლიც-კითხვებს სენაკის მუნიციპალიტეტის სოფელ ზანის საჯარო სკოლის დირექტორმა რომანი კვაშილავამ უპასუხა.

- სკოლა ჩემთვის არის...

- ადგილი, სადაც 5 წელი ვისწავლე, 38 წელია მასწავლებელი ვარ და 31 წელია დირექტორი.

- მოტივაცია მემატება, როცა...

- ახალი, ლამაზი და ჭკვიანი თაობა მოდის, საქართველოს მომავალი მოდის.

- მოსწავლეებთან გამომშვიდობება ყოველთვის...

- მძიმეა ჩემთვის, ვისაც 31 დამამთავრებელი კლასი ყავს გამოშვებული, მათ ჩემი გულის ნაწილაკები მიაქვთ, თუმცა მეც მიტოვებს დიდ სიყვარულს.

- განათლების სისტემას სჭირდება...

- მეტი ეროვნულობა. გადაჭარბებული ტოლერანტობის არ საჭიროება, რომელიც ცუდ სტუმრებს ჩვენი სისუსტე ჰგონიათ.

- სასწავლო წელი გამორჩეული იყო...

- პანდემიითა და გაძლიერებით.

- არდადეგებზე მშობლებს ვურჩევ...

- შვილები, შვილები, შვილები და არაფერი შვილების გარდა.

- სასწავლო წლის დასასრულს...

- ვიღლები. დასვენება მინდა, რომ ისევ დავიღალო ჩემი მოსწავლეების ხმაურიანი სიცილით.