„განათლების სისტემას სჭირდება მომზადებული, განათლებული, თანამედროვე პედაგოგი“- ნაზი ქამადაძე, ფურტიოს საჯარო სკოლის დირექტორი
არდადეგების მოახლოებასთან ერთად, საინტერესოა, რით იყო გამორჩეული 2021-2022 სასწავლო წელი საქართველოს სკოლების წარმატებული დირექტორებისთვის, მათი აზრით, რა სჭირდება განათლების სისტემას და რას ურჩევენ არდადეგებზე მოსწავლეთა მშობლებს.
ამჯერად, საინტერესო ბლიც-კითხვებით etaloni.ge ლევან ბერიძის სახელობის შუახევის მუნიციპალიტეტის სოფელ ფურტიოს საჯარო სკოლის დირექტორს, ნაზი ქამადაძეს დაუკავშირდა.
- სკოლა ჩემთვის არის. . .- საყვარელ ბავშვებთან შეხვედრა.
- მოტივაცია მემატება, როცა. . .- მოტივირებულ მოსწავლეებს ვხედავ.
- მოსწავლეებთან გამომშვიდობება ყოველთვის. . .- გულს მტკენს.
- განათლების სისტემას სჭირდება. . .- მომზადებული, განათლებული, თანამედროვე პედაგოგი.
- სასწავლო წელი გამორჩეული იყო. . .- ბევრი წარმატებით.
- არდადეგებზე მშობლებს ვურჩევ. . .- შვილებს სთხოვონ ბევრი წიგნის წაკითხვა.
- სასწავლო წლის დასასრულს. . .- კმაყოფილი ვარ მოსწავლეების წარმატებებით.