მღვდელი ლუკა ჩომახიძის სახელობის ხონის მუნიციპალიტეტის სოფელ გოჩა ჯიხაიშის საჯარო სკოლაში მოსწავლის ინტერესებზე მორგებული სასწავლო გარემოა შექმნილი. დირექცია და პედაგოგები მოსწავლეებს მრავალფეროვან და საინტერესო ღონისძიებებს, აქტივობებსა თუ პროექტებს სთავაზობენ და არაერთ სასწავლო რესურსს აწვდიან. მოსწავლეებიც ინტერესით არიან ჩართულნი სასწავლო პროცესში და ცოდნისა და ნიჭის წარმოჩენას ცდილობენ.
ინტერესი გამოიწვია გოჩა ჯიხაიშის VIII-IX კლასელების მიერ ჩატარებული სასწავლო პროექტის - „პატივი ვცეთ ჩვენს ფესვებს - ვიცოდეთ ჩვენი სკოლის ისტორია“ პრეზენტაციამ.
მოსწავლეებმა მოიძიეს და Power-point-ში, სლაიდების მეშვეობით, წარმოადგინეს საკუთარი სკოლის ისტორია.
პროექტის ხელმძღვანელი ქართული ენისა და ლიტერატურის პედაგოგი მარინა ცაგარეიშვილი გახლავთ.
იხილეთ ფოტოები:
