ოზურგეთის მუნიციპალიტეტის, ქვემო ნატანების საჯარო სკოლაში სასწავლო პროცესი აქტიურად მიმდინარეობს და მოსწავლეებიც დიდი ინტერესით არიან ჩართულები სასკოლო ცხოვრებაში.

„ახლახან, ქვემო ნატანების საჯარო სკოლაში ჩატარდა ედითების კონკურსი, სადაც მონაწილება მიიღეს  V-VI-VII კლასების მოსწავლეებმა“, - აღნიშნულია სკოლის მიერ მოწოდებულ ინფორმაციაში, სადაც ისიც განმარტებულია, რომ კონკურსს აფასებდა ჟიური, რომლის წევრებიც გახლდათ: სკოლის ექიმი ლია გაბადაძე, პედაგოგები - ია ბაჯელიძე, ანი მენაღარიშვილი, ლელა კურტანიძე და XI კლასის წარჩინებული მოსწავლე ამირან მიმინოშვილი.

ნომინაციები კი ასე განაწილდა: I ნომინაცია - ვიზუალური ეფექტისათვის - V კლასი;
II ნომინაცია - მუსიკალური გაფორმებისათვის - VII  კლასი;
III ნომინაცია - ორიგინალური სცენარისათვის - VII კლასი;
IV ნომინაცია - საუკეთესო მონტაჟისათვის - VIკლასი;
V ნომინაცია - „ჩვენი დროის გმირი“ საუკეთესო თემა - V კლასი;
VI ნომინაცია - კომუნიკაცია დამსწრე საზოგადოებასთან - VI კლასი;
VII ნომინაცია - საუკეთესო ედითი - გახდა ელენე ლობჟანიძე (Vკლასი).

ღონისძიებას უძღვებოდა პედაგოგი თამარ ტაკიძე. იდეის ავტორი კი გახლავთ მუსიკის მასწავლებელი - ნანა ბოლქვაძე.

იხილეთ ფოტოები და ვიდეო: