შუახევის საჯარო სკოლაში ქართული ენისა და ლიტერატურის წრე ,,ბალავარი“ ფუნქციონირებს.    

სკოლის წარმომადგენლის თქმით, წრის მიზანია მოსწავლეთა მოტივაციის ამაღლება და იმ უნარების გამომუშავება, რაც მოზარდების მომავალ წარმატებას შეუწყობს ხელს. 
  
„ყოველ კვირაში გვაქვს სამუშაო შეხვედრა და სხვადასხვა სახის აქტივობები. ვცდილობთ მოსწავლეებმა გაიღრმავონ ცოდნა როგორც ლიტერატურაში, ასევე ენაში. მოზარდებს ვეხმარებით მხატვრულ-გამომეტყველებითი კითხვის ტექნიკის დაუფლებასა და სამსახიობო უნარების გამომუშავებაში“,- აღნიშნავს სკოლის წარმომადგენელი.    

წრის წევრებმა არაერთ სასკოლო ღონისძიებაში მიიღეს მონაწილეობა და მაყურებლის მოწონებაც დაიმსახურეს.    

მოზარდებმა მაყურებლის წინაშე მხატვრულად წაიკითხეს არაერთი ლექსი, სცენაზე დადგეს იაკობ გოგებაშვილის ,,იავნანამ რა ჰქმნა?!"და ნაწყვეტი ილია ჭავჭავაძის მოთხრობიდან ,,გლახის ნაამბობი" (მოძღვრის ეპიზოდი).   

იხილეთ ფოტოები და ,,ბალავარის“ ფარგლებში განხორციელებული ღონისძიებების ამსახველი ვიდეოკადრები