თეთრიწყაროს მუნიციპალიტეტის სოფელ ალექსეევკის საბაზო საჯარო სკოლაში საქართველოს ისტორიაში მნიშვნელოვან თარიღებს მუდამ განსაკუთრებულ აქტივობებს უძღვნიან.

ამჯერად, ქართული ენის დღესთან დაკავშირებით, სკოლაში პატარა, თუმცა ძალზედ საინტერესო ღონისძიება ჩატარდა.

დაწყებითი კლასის მოსწავლეებმა ქართული ანბანის ასოები დიდი ენთუზიაზმით შექმნეს, რომლებიც საკუთარი ხელით გამოჭრეს და ლამაზად გააფორმეს; მოსწავლეებმა კიდევ ერთხელ გაიხსენეს ქართული ანბანის რაობა და მნიშვნელობა.

აღნიშნულმა ღონისძიებამ მოსწავლეებში თანამშრომლობითი უნარების განვითარებას შეუწყო ხელი.

მაღალ კლასებში კი კალიგრაფიის კონკურსი გაიმართა, რომელშიც თითოელი მოსწავლე აქტიურად იყო ჩართული.