ხონის მუნიციპალიტეტის სოფელ ხიდის საჯარო სკოლის მოსწავლეები საქართველოს ეროვნულ ინტელექტ-ჩემპიონატ „ეტალონში“ მონაწილეობისთვის დაჯილდოვდნენ. 

კონკურსში 3 მოსწავლე სალომე სულაბერიძე, გიორგი კიკაბიძე და გოგა საღარეიშვილი მონაწილეობდა. 

სალომე სულაბერიძემ და გოგა საღარეიშვილმა ოქროს დიპლომები დაიმსახურეს. აღსანიშნავია, რომ გიორგი კიკაბიძე შარშან „ხონის ეტალონი მოსწავლე“ გახდა, ამიტომაც, ამჯერად, ჩემპიონატის მეორე ეტაპზე გადასვლის უფლება არ ჰქონდა.

2022 წლის საქართველოს ეროვნული ინტელექტ-ჩემპიონატი „ეტალონი“ საქართველოს განათლებისა და მეცნიერების სამინისტროს მხარდაჭერით დისტანციურ რეჟიმში მიმდინარეობს.

25 მაისს კონკურსის პირველი ეტაპი ხონელი მოსწავლეებისთვის ჩატარდა. ინტელექტუალურ შეჯიბრში ხონის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ.

კონკურსის ყველა მონაწილე მოსწავლე „ეტალონის“ სპეციალური სახელობითი ონლაინ სიგელით დაჯილდოვდა.

ინტელექტუალური კონკურსი ხონის მუნიციპალიტეტის მერიის, მერიის კულტურის, განათლების, სპორტისა და ახალგაზრდულ საქმეთა სამსახურისა და ხონის საგანმანათლებლო რესურსცენტრის მხარდაჭერით იმართება.

კონკურსის პირველი ეტაპის შედეგების მიხედვით შეირჩა 68 მოსწავლე, რომლებიც ერთმანეთს მეორე ეტაპზე - „ხონის ეტალონი მოსწავლის“ ტიტულისთვის შეეჯიბრნენ. კონკურსის II ეტაპი 27 მაისს 10:00 საათიდან 16:00 საათამდე ასევე დისტანციურ რეჟიმში გაიმართა.

იხილეთ ფოტოები: