შუახევის მუნიციპალიტეტის სოფელ ჯაბნიძეების საჯარო სკოლაში საქართველოს დამოუკიდებლობის დღე აღინიშნა.
სკოლაში ამ უმნიშვნელოვანეს თარიღს ღონისძიება მიეძღვნა. ღონისძიება გახსნა სკოლის დირექტორმა, ჯემალ ივანაძემ. გაჟღერდა სახელმწიფო ჰიმნი. მოსწავლეებმა პატრიოტული თემატიკის ლექსები წაიკითხეს და სიმღერები შეასრულეს, ისაუბრეს 26 მაისის ისტორიული მნიშვნელობის შესახებ.
26 მაისს საქართველოში დამოუკიდებლობის დღე აღინიშნება. ზუსტად 104 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო. საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ შეწყვიტა. საქართველომ დამოუკიდებლობის აღდგენა 1991 წლის 9 აპრილს შეძლო.
იხილეთ ფოტოები:
