ნინოწმინდის მუნიციპალიტეტის სოფელ გორელოვკის N3 საჯარო სკოლაში მოსწავლის ინტერესებზე მორგებული გარემოა შექმნილი. პედაგოგები ძალ-ღონეს არ იშურებენ, რომ მოსწავლეებს ხარისხიანი განათლება მისცენ და შესაბამისად, საინტერესო გაკვეთილებს, აქტივობებსა თუ ღონისძიებებს სთავაზობენ.
ამჯერად, სამოქალაქო განათლების მასწავლებელმა ლია გოგოლაძემ მე-10 კლასის მოსწავლეებს შესთავაზა ძალიან საინტერესო გაკვეთილი თემაზე - „ვისაც შენი დახმარება სჭირდება“.
მოსწავლეებმა წარმოადგინეს პლაკატი და პრეზენტაცია, გაითამაშეს როლური თამაში ჟესტების ენის გამოყენებით - ბარათების გამოყენებით აარჩიეს წინადადებები და თანაკლასელებს ჟესტური ენით აუხსნეს იგი; ასევე გაეცნენ სამ სიტუაციურ ამოცანას, იმსჯელეს, მიიღეს გადაწყვეტილებები, თქვეს რჩევები. ბოლოს კი შეავსეს ბარათები, თუ რა დაამახსოვრდათ და რას გამოიყენებენ.
იხილეთ ფოტოები:
