ბათუმის N20 საჯარო სკოლაში არაერთი ნიჭიერი მოსწავლე სწავლობს, რომელთა წარმატებას სკოლა საზოგადოებას დიდი სიხარულით უზიარებს. ერთ-ერთი ასეთი მოსწავლეა მარიამ ქოქოლაძე, რომელიც ამერიკულ კუთხეში მოხალისე ინგლისურის მასწავლებლად მუშაობს.
იგი აღნიშნავს, რომ შეიძინა ძალიან ბევრი უნარ-ჩვევები, რომლებიც მას დაეხმარება, როგორც პირად ასევე მომავალ პროფესიულ საქმიანობაში.
მარიამი მიმდინარე წლის მარტში იმყოფებოდა ბრიუსელის ევროპარლამენტში, სადაც შეხვდა ევროპარლამენტარებს და წარადგინა საკუთარი პროექტი - „საქართველოს ევროპული და ევროატლანტიკური მომავალი”.
იგი საქართველოს ახალგაზრდა დიპლომატთა ასოციაციის წევრი გახდა.
მარიამი აქტიურად არის ჩართული სხვადასხვა საგანმანათლებლო ტრენინგში. დაგროვილმა ცოდნამ ხელი შეუწყო მის გამარჯვებას ერთ-ერთ იმიტირებულ სასამართლო პროცესში, სადაც საუკეთესო ადვოკატად დასახელდა.
მარიამი აღნიშნავს, რომ მე-20 სკოლამ ხელი შეუწყო მის განვითარებას, მისი თქმით, “მე-20 სკოლა არის ადგილი, სადაც განათლების მიღების გარდა პიროვნულადაც იზრდები და ყალიბდები”
„წარმატებები მარიამს და მადლობა მას ასეთი დამოკიდებულებისათვის“,- აღნიშნავენ სკოლაში.
იხილეთ ფოტო:
