თელავის N5 საჯარო სკოლის მოსწავლეთა გუნდმა „ათერისი“ თელავის სასკოლო ლიგის შესარჩევ ტურნირში წარმატებით იასპარეზა.
თელავის სასკოლო ლიგის (იგივე მერის თასის) შესარჩევი ტურნირი ინტელექტუალურ თამაშში - „რა? სად? როდის?“ ორი თვის განმავლობაში მიმდინარეობდა.
თელავის N5 საჯარო სკოლის გუნდი „ათერისი“ წარმატებული თამაშის შედეგად გადავიდა ფინალში.
სკოლისთვის ყველაზე მეტად სასიხარულო და საამაყოა ის ფაქტი, რომ გუნდის კაპიტანი, XI კლასის მოსწავლე ირაკლი ყაველაშვილი, მოპოვებული ქულების საფუძველზე დასახელდა 2022 წლის გაზაფხულის სეზონის ტურნირის საუკეთესო მოაზროვნედ.
სკოლაში გუნდსა და მის კაპიტანს წარმატებას ულოცავენ და წინსვლას უსურვებენ.
„თელავის N5 საჯარო სკოლა ულოცავს გუნდ „ათერისსა“ და პირადად ირაკლის, უსურვებს მას წარმატებებს მომავალშიც“,- აღნიშნულია მისალოც წერილში.
