კურსდამთავრებულებმა ცხოვრების ახალ ეტაპზე ტრადიციული თეთრი მაისურებით შეაბიჯეს. სკოლაში საზეიმო განწყობა იყო შექმნილი, გაიმართა ღონისძიება, რომლითაც მოსწავლეებმა მათ სკოლის დამთავრება მოულოცეს. მასში პირველი კლასის მოსწავლეები მონაწილეობდნენ. მათ იმღერეს და ლექსები წაიკითხეს.
შეხვედრაზე მეთორმეტეკლასელებს სკოლის დამთავრება სკოლის დირექტორმა მაია ქობულიამ, დაწყებითი კლასების მასწავლებელმა ხათუნა ქუთათელაძემ და კალსის ხელმძღვანელმა ფატმან თუთბერიძემ მოულოცეს.
გარდა ამისა, მაღალი აკადემიური წარმატებისთვის მარია ბერიასა და ანასტასია ჩაკვეტაძეს სიგელები გადაეცათ.
კურსდამთავრებულებმა სამახსოვრო ფოტოები გადაიღეს, სკოლაში გატარებული წლები გაიხსენეს და სურვილები გაცვალეს. ბოლოს მათ ,პატარა მოსწავლეებთან ერთად, სკოლის ჰიმნი შეასრულეს.
მათ სკოლა ემშვიდობება და უამრავ წარმატებას უსურვებს.
იხილეთ ფოტოები:
