ადიგენის მუნიციპალიტეტის სოფელ არლის საჯარო სკოლაში მე-12 კლასელებისთვის „ბოლო ზარი“ დარეკა.
კურსდამთავრებულები სკოლიდან დიდი სიყვარულით გააცილეს. სკოლის დირექციამ და პედაგოგებმა მოსწავლეებს ცხოვრების ახალ ეტაპზე გადასვლა მიულოცეს, სწავლის სასურველ უმაღლეს სასწავლებლებში გაგრძელება უსურვეს და საუკეთესო სურვილები თეთრ პერანგებზეც დაუტოვეს. მოსწავლეებმა, თავის მხრივ, მასწავლებლებს შრომისა და ამაგისთვის მადლობა გადაუხადეს.
„არლის საჯარო სკოლის დირექცია და სკოლის პედაგოგიური კოლექტივი ულოცავს მე-12 კლასელებს, (კლასის დამრიგებელი ცირა ვარდიძე) სკოლის დამთავრებას, გზას დაულოცავს და წარმატებებს უსურვებს ერთიან ეროვნულ გამოცდებში. აღსანიშნავია, რომ კურსდამთავრებულთა შორის სამი ოქროსმედალოსანია: ანი ჩილინგარაშვილი, პავლე ტატალაშვილი და მინდია ტატალაშვილი“,- აღნიშნულია სკოლის მისალოც წერილში.
იხილეთ ფოტოები:
