შუახევის მუნიციპალიტეტის სოფელ დღვანის საჯარო სკოლის მოსწავლეები სხვადასხვა საგნობრივ კონკურსებში ყოველთვის აქტიურად და ამავდროულად, წარმატებით მონაწილეობენ.

ამჯერად, მშობლიური სკოლა ერთ-ერთმა წარჩინებულმა X კლასის მოსწავლემ, ნინი ფუტკარაძემ ასახელა.

შუახევის რესურსცენტრის ორგანიზებით და შუახევის მუნიციპალიტეტის მერიის მხარდაჭერით ხიჭაურის საჯარო სკოლაში, შუახევის მუნიციპალიტეტის ზოგადსაგანმანათლებლო დაწესებულებების მოსწავლეებს შორის, რაიონული საგნობრივი კონკურსების მეორე, დასკვნითი ტური ისტორიაში, სამოქალაქო განათლებასა და გეოგრაფიაში ჩატარდა.

სამოქალაქო განათლებაში კი 29 ქულით, III ადგილი ნინი ფუტკარაძემ დაიმსახურა.