ტყიბულის N2 საჯარო სკოლის პედაგოგები მოსწავლეებს მუდამ საინტერესო და ამავდროულად, მრავალფეროვან სასწავლო გარემოს სთავაზობენ.

ამჯერად, სკოლის ბიოლოგიის პედაგოგის ნუნუ რაფავას ინიციატივით, დაწყებითი საფეხურის მოსწავლეთათვის თემაზე - „პლანეტები“ პრეზენტაცია ჩატარდა.

პრეზენტატორები მე-11 კლასის მოსწავლეები: ვასილ დოღონაძე და ალექსანდრე ფოფხაძე იყვნენ. მათ მზის სისტემა და მასში შემავალი პლანეტები: მარსი, ვენერა, დედამიწა, იუპიტერი, სატურნი, ურანი და ნეპტუნი მიმოიხილეს.

მეთერთმეტეკლასელებმა სათითაოდ განიხილეს თითოეული პლანეტა და მოსწავლეებს მათზე ინფორმაცია დეტალურად მიაწოდეს.

პრეზენტაციის ბოლოს ნუნუ რაფავამ პრეზენტაცია შეაჯამა და დამსწრე საზოგადოებას მადლობა გადაუხადა.