ზეინდარის საჯარო სკოლის მე-5 კლასის მოსწავლეებმა გარემოსდაცვით თემაზე აქტივობები განახორციელეს
17-05-2022
ვანის მუნიციპალიტეტის სოფელ ზეინდარის საჯარო სკოლის მე-5 კლასის მოსწავლეებმა დედამიწის დაცვის შესახებ სხვადასხვა საინტერესო აქტივობა განახორციელეს.
მათ მოიძიეს შესაბამისი ინფორმაცია, დაახარისხეს, საინფორმაციო ბუკლეტები დაამზადეს და ლექსები წაიკითხეს. მეხუთეკლასელები აქტივობაში დიდი მონდომებით ჩაერთნენ. მათ თავიანთი შესაძლებლობები კარგად წარმოაჩინეს.
აღსანიშნავია, რომ ბუკლეტების შინაარსი შემდეგ სხვა მოსწავლეებსა და ადგილობრივ მოსახლეობას გაცნეს. მათ ყველას მოუწოდეს, რომ დედამიწაზე იზრუნონ.
„აღნიშნული ღონისძიება მიზნად ისახავდა მომავალ თაობას გამოუმუშაოს გარემოსდაცვითი უნარ-ჩვევები“,- წერია სკოლის მიერ მოწოდებულ ინფორმაციაში.
იხილეთ ვიდეოები:
სკოლების სიახლეები
