ვაჩნაძიანის საჯარო სკოლის მოსწავლეებს - ნინო მოსემღვდლიშვილსა და მარიამ დევდარიძეს „ეტალონის“ სპეციალური სიგელები მიენიჭათ
16-05-2022
გურჯაანის მუნიციპალიტეტის სოფელ ვაჩნაძიანის საჯარო სკოლის მოსწავლეები - ნინო მოსემღვდლიშვილი და მარიამი დევდარიძე საქართველოს ეროვნულ ინტელექტ-ჩემპიონატ „ეტალონში“ მონაწილეობისთვის დაჯილდოვდნენ.
გურჯაანის დისტანციური კონკურსის მონაწილეებს „ეტალონის“ სპეციალური სახელობითი ონლაინ სიგელები მიენიჭათ.
2022 წლის საქართველოს ეროვნული ინტელექტ-ჩემპიონატი „ეტალონი“ საქართველოს განათლებისა და მეცნიერების სამინისტროს მხარდაჭერით კვლავ დისტანციურ რეჟიმში მიმდინარეობს.
3 მაისს კონკურსის პირველი ეტაპი გურჯაანელი მოსწავლეებისთვის ჩატარდა. ინტელექტუალურ შეჯიბრში გურჯაანის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ.
საქართველოს ეროვნული ინტელექტ-ჩემპიონატ „ეტალონის“ დისტანციური ფორმატის მიზანია მოსწავლე-ახალგაზრდებში არაფორმალური განათლების ხელშეწყობა, მოტიცავია-წახალისება და ამ მიზნით თანამედროვე ტექნოლოგიების გამოყენების უნარ-ჩვევების განვითარება.
სკოლების სიახლეები
