თელავის N5 საჯარო სკოლაში სწავლა სრული დატვირთვით, უწყვეტ რეჟიმში მიმდინარეობს; დირექციისა და პროფესიონალი პედაგოგიური საზოგადოების ძალისხმევით, მოსწავლეები აქტიურად არიან ჩრთულები საგაკვეთილო პროცესსა თუ ზოგადად, სასკოლო ცხოვრებაში; შეუძლებელია არ აღინიშნოს, რომ წარმატებით ინერგება მესამე თაობის ეროვნული სასწავლო გეგმა და სასკოლო საზოგადოების წარმომადგენლები გადიან ესგ-ს მიხედვით გათვალისწინებულ შედეგებზე.

მალე 2021-2022 სასწავლო წელი დასრულდება, პირველკლასელებისთვის არდადეგები დაიწყება, თუმცა მანამდე, მიღებული ცოდნის შეჯამებაა საჭირო. თელავის N5 საჯარო სკოლის I კლასში, პედაგოგმა დარეჯან დვალმა, ქართულ ენასა და ლიტერატურაში საინტერესო გაკვეთილი ჩაატარა, რომლის თემაც გახლდათ  ი.გოგებაშვილის - „ბერიკაცი და ნამყენი“.

ბავშვებმა გაიაზრეს წაკითხული, იმსჯელეს, თემატიკიდან გამომდინარე, კითხვები დასვეს და ამომწურავი პასუხებიც მიიღეს.

გაკვეთილმა საინტერესოდ ჩაიარა და რაც მთავარია, კლასი სრულად იყო ჩართული აქტივობაში.