ასპინძის მუნიციპალიტეტის სოფელ ხიზაბავრის საჯარო სკოლის მოსწავლე თამუნა კალაიჯიშვილმა ინტელექტ-ჩემპიონატ „ეტალონში“ წარმატებით იასპარეზა.
მოსწავლემ ასპინძის მუნიციპალიტეტის „ეტალონის“ 2022 წლის დისტანციურ კონკურსში მესამე ადგილი დაიკავა და დიპლომი დაიმსახურა.
აღსანიშნავია, რომ 2022 წლის საქართველოს ეროვნული ინტელექტ-ჩემპიონატი „ეტალონი“ საქართველოს განათლებისა და მეცნიერების სამინისტროს მხარდაჭერით კვლავ დისტანციურ რეჟიმში მიმდინარეობს.
5 მაისს კონკურსის პირველი ეტაპი ასპინძელი მოსწავლეებისთვის ჩატარდა. ინტელექტუალურ შეჯიბრში ასპინძის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ.
კონკურსის პირველი ეტაპის შედეგების მიხედვით შეირჩა 59 მოსწავლე, რომლებიც ერთმანეთს მეორე ეტაპზე - „ასპინძის ეტალონი მოსწავლის“ ტიტულისთვის შეეჯიბრნენ.
