ასპინძის მუნიციპალიტეტის სოფელ ხიზაბავრის საჯარო სკოლის მოსწავლეები ინტელექტ-ჩემპიონატ „ეტალონში“ წარმატებული მონაწილეობისთვის დაჯილდოვდნენ. 

დისტანციური კონკურსის მეორე ეტაპში წარმატებით გადავიდა 4 მოსწავლე. მათ სპეციალური სახელობითი ოქროს სიგელები გადაეცათ. 

წარმატებული მოსწავლეები არიან:

• ანა გორელიშვილი;
• ქეთინო კალაიჯიშვილი;
• მარიამი ადეიშვილი;
• თამუნა კალაიჯიშვილი.

სკოლის პედაგოგი ლიანა მურადაშვილი მოსწავლეებს წარმატებას ულოცავს. 

აღსანიშნავია, რომ 2022 წლის საქართველოს ეროვნული ინტელექტ-ჩემპიონატი „ეტალონი“ საქართველოს განათლებისა და მეცნიერების სამინისტროს მხარდაჭერით კვლავ დისტანციურ რეჟიმში მიმდინარეობს. 

5 მაისს კონკურსის პირველი ეტაპი ასპინძელი მოსწავლეებისთვის ჩატარდა. ინტელექტუალურ შეჯიბრში ასპინძის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ. 

კონკურსის პირველი ეტაპის შედეგების მიხედვით შეირჩა 59 მოსწავლე, რომლებიც ერთმანეთს მეორე ეტაპზე - „ასპინძის ეტალონი მოსწავლის“ ტიტულისთვის შეეჯიბრნენ.

იხილეთ ფოტოები: