სენაკის მუნიციპალიტეტის სოფელ ზანის საჯარო სკოლაში სხვადასხვა მნიშვნელოვან თარიღებს მუდამ განსაკუთრებულ აქტივობებს უძღვნიან.

ამჯერად, სკოლაში ფაშიზმზე გამარჯვების დღისადმი მიძღვნილი აქტივობა გაიმართა. მოსწავლეებმა 1945 წლის 9 მაისი კიდევ ერთხელ გაიხსენეს.

ბავშვებმა ამ დღეს პრეზენტაცია მიუძღვნეს და საკუთარი აზრები გამოთქვეს, რომელსაც გთავაზობთ.

„მოსწავლეები ციტირებდნენ:

• მიუხედავად იმისა, რომ დღეს საქართველოს ტერიტორიების 20%-მდე ოკუპირებულია და უკრაინაში საომარი მოქმედებებია, ჩვენ უფლება არ გვაქვს არ გავიხსენოთ 9 მაისი - ფაშიზმზე გამარჯვების დღე!

• რადგან 700 000-ზე მეტი ჯარისკაცი გაიწვიეს საქართველოდან. ბევრი საკუთარი ნებით ჩაება, რათა საკუთარი ვალი მოეხადა სამშობლოს წინაშე, მათი უმრავლესობა შინ ვერ დაბრუნდა;

• ყოველთვის უნდა გვახსოვდეს, „ვისი გორისანი ვართ!“;

• ჩვენ გვახსოვს ჩვენი გმირები, რადგან თითქმის ყველა ოჯახს შეეხო ომი. ბევრი ჩვენგანის ოჯახის წინაპარი შინ არ/ვერ დაბრუნდა. სამწუხაროა, მაგრამ ფაქტია, მიუხედავად მშვიდობიანი გარემოსი, საქართველო  დღესაც აწარმოებს ფარულ „ომს“ რუსეთთან;

• „დიდება, ხალხისთვის წამებულ რაინდებს, ვინც თავი გასწირა, ვინც სისხლი დაღვარა... დიდება, ვინც კიდევ გვაბრძოლებს იმედით...“; 

• სამშობლოსათვის თავდადებულ გმირთა საქციელი და სახელი უკვდავია!

• შეუფასებელია მათი წვლილი მამულის დაცვა/განდიდების კუთხით, გადაჭარბებული არ იქნება. რადგან სამშობლო - მამული უხსოვარი დროიდან იყო ქართველისათვის ამოსავალი წერტილი;

• საქართველოვ ტკივილო ჩემო... საქართველოვ სამშობლოვ ჩვენო!“;

• დროის და ეპოქის მიუხედავად სამშობლოსადმი ერთგულების, სიყვარულის გამოხატვის და საგმირო საქმეების ჩადენის სურვილი ნებისმიერ საზოგადოებრივ ფენაში შესაშური საქმე და დაუმალავი ფაქტია! სამშობლო -  ჩვენი გულის ფეთქვაა!;

• სისხლი, უღვთოდ დაქცეული, ატირებულ მტკვარს ერთვოდა,

ყველგან კვნესდა წაქცეული, ყველგან ცეცხლის ქარი ქროდა.

დედის მკერდზე თოთო ბავშვი ისარგაყრილ ძუძუს სწოვდა,

აქ ყველაფერს წვავდნენ, მაგრამ საქართველო არ იწვოდა...

დღეს კი,  ჩემო საქართველოვ - საყვარელო ჩემო დედავ,

შენი დღენი ცისარტყელობს, შენს ღიმილში ვარდებს ვხედავ...

დღეს ნისლები გაგფანტვიან და ქარები ქრიან ნებით,

შენს დროშაზე მზე ხატია და დიდების გვირგვინები!;

• ცხადია, ცხოვრებისეული „ლიგის“ თამასა საქართველომ უმაღლეს დონემდე აწია, როგორც ამბობენ: ქვეყნის, ისევე როგორც „ადამიანის სტატუსს მეგობრები კი არა, მტრები განსაზღვრავენ!“

იხილეთ პრეზენტაცია ბმულზე 1 და ბმულზე 2.