გალაკტიონ ტაბიძის სახელობის ვანის N2 საჯარო სკოლაში არაერთი ნიჭიერი მოსწავლე სწავლობს, რომელთა შესაძლებლობების განვითარებაზე პედაგოგები, დირექტორ თეონა ადეიშვილის ხელმძღვანელობით თავდაუზოგავად შრომობენ. 

ერთ-ერთი ასეთი მოსწავლეა ზურა მარკოიძე, რომელიც განსხვავებული ხედვითა და შემოქმედებითი ნიჭით გამოირჩევა. 

ზურა მარკოიძემ მორიგი შთამბეჭდავი ნამუშევარი შექმნა. 

„როცა თანასწორობაა აზროვნება თავისუფალია” ჩვენი სკოლის მოსწავლის, ზურა მარკოიძის ნამუშევარია... ზურა ყოველთვის ახერხებს ჩვენს გაოცებას“,- აღნიშნავს სკოლის დირექტორი თეონა ადეიშვილი, რომლისთვისაც თითოეული მოსწავლე საამაყოა და საზოგადოებას მათ შესახებ ინფორმაციას ყოველთვის სიხარულით უზიარებს.