გურჯაანის მუნიციპალიტეტის ჯიმითის საჯარო სკოლაში სწავლა-სწავლების პროცესი უწყვეტ რეჟიმში მიმდინარეობს. პედაგოგები ყველაფერს აკეთებენ რომ მოსწავლეებს ხარისხიანი და სიღრმისეული განათლება მისცეს და მრავალფეროვანი და მათ ინტერესებზე მორგებული სასწავლო გარემო შესთავაზონ.
სკოლაში მორიგი შთამბეჭდავი გაკვეთილი ჩატარდა. ისტორიის პედაგოგმა, ზეინაბ ვარაზაშვილმა, მე-8 კლასის მოსწავლეებს შესთავაზა ღია გაკვეთილი თემაზე - „რატომ დაიშალა საქართველო XV საუკუნეში სამეფო-სამთავროებად?“.
მოსწავლეებმა ისაუბრეს იმ საშინაო და საგარეო ფაქტორებზე, რამაც განაპირობა საქართველოს დაშლა-დაქუცმაცება, მათ აღნიშნული პრობლემა დაუკავშირეს თანამედროვეობას და პრობლემის გადასაჭრელად გამოსავლის მოძებნაც სცადეს. მასწავლებელმა გაკვეთილზე მრავალფეროვანი აქტივობები გამოიყენა, ამიტომაც მაღალი იყო მოსწავლეთა ჩართულობა და მოტივაცია.
იხილეთ ფოტოები:
