ნოდარ ხადურის სახელობის გორის მუნიციპალიტეტის სოფელ ქვეშის საჯარო სკოლაში საქართველოს ისტორიაში მნიშვნელოვან თარიღებს მუდამ განსაკუთრებულ აქტივობებს უძღვნიან.

ამჯერად, სკოლაში დედაენის დღისადმი მიძღვნილი მრავალფეროვანი კვირეული გაიმართა.

კვირეულში სხვადასხვა სასწავლო აქტივობა: მხატვრული კითხვის, კალიგრაფიის, ესეები კონკურსები, ნახატების გამოფენა და ა.შ. გაიმართა, რომელშიც ყველა საფეხურის მოსწავლე იყო ჩართული.

კვირეული სასკოლო სასწავლო პროექტის - „ქართული მარტო ენაა?!“ ფარგლებში გაიმართა, რომელსაც პედაგოგები: გიული ბეთლემიშვილი, ნათია კურტანიძე და ნინო ცაციაშვილი უძღვებოდნენ.

კვირეული საინტერესო, შემაჯამებელი ღონისძიებით დაიხურა, რომლის ფარგლებში მოსწავლეებმა არაერთი შემეცნებითი აქტივობა განახორციელეს. კვირეულის განმავლობაში გამართული კონკურსების გამარჯვებულებს სიგელები გადაეცათ.

იხილეთ ფოტოები: