ზესტაფონის N2 საჯარო სკოლაში დედაენის დღე აღინიშნა.

აღნიშნულ თარიღთან დაკავშირებით, სკოლაში კვირეული მოეწყო, მასში პირველი კლასის მოსწავლეები ჩაერთნენ. მათ „მხიარული ანბანი" შექმნეს, ასევე ჩატარდა წერის და კითხვის კონკურსი. იაკობ გოგებაშვილის მოთხრობების მიხედვით კი როლები გადაინაწილეს. ისინი აქტივობაში დიდი მონდომებით ჩაერთნენ. მათ თავიანთი შესაძლებლობები კარგად წარმოაჩინეს.

„დედაენის დღესთან დაკავშირებით მოეწყო საინტერესო კვირეული, რომელშიც აქტიური მონაწილეობა მიიღეს ჩვენი სკოლის პირველკლასელებმა (l^ა მ.ჩიკვაიძე; l^ბ მ.ხიდაშელი; l^გ ა.ჩუბინიძე)“,- წერია სკოლის მიერ მოწოდებულ ინფორმაციაში.

აღსანიშნავია, რომ მოსწავლეებმა ცოდნა კიდევ უფრო გაიღრმავეს. მათ განვითარებაზე სკოლაში ყოველდღიურად აქტიურად ზრუნავენ.

14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა.

1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.

იხილეთ ფოტოები: