კავკასიის საერთაშორისო უნივერსიტეტის ინტელექტლუბის ინიციატივით, ბაკურ ხუბულავასა და გიგა ჩალიგავას საავტორო ტურნირი „ოცდათექვსმეტი დრამატული სიტუაცია“ ჩატარდა. თამაში სამი ეტაპისაგან შედგებოდა, თითოეულ ნაწილში კი 12-12 კითხვა დაისვა.

შეჯიბრში, კავკასიის საერთაშორისო უნივერსიტეტის სტუდენტებით დაკომპლექტებული გუნდების გარდა, თბილისის ჩემპიონატის - პირველი, მეორე, ახალი, უმაღლესი და სუპერლიგის - ჯამში 18 გუნდი მონაწილეობდა. ტურნირში ისეთი ცნობილი მონაწილეებიც ჩაერთნენ, როგორებიც არიან - გაგი გაბრიჭიძე, ზაალ ხონელიძე, შანშე ქექაძე და სხვანი.

ტურნირის „ოცდათექვსმეტი დრამატული სიტუაცია“ გამარჯვებული გუნდი - „კრის პოლი“ (კაპიტანი შაკო ჩიკვილაძე) გახდა. გუნდი ფულადი პრიზით დაჯილდოვდა.

შეგახსენებთ, რომ კავკასიის საერთაშორისო უნივერსიტეტის ინტელექტკლუბი ინტელექტუალური ხასიათის თამაშებს პერმანენტულად ატარებს. გაზაფხულის სეზონი 16 მარტს, „რა? სად? როდის?“ - შიდა ჩემპიონატით განახლდება.