ქართულ-ამერიკული სკოლა „პროგრესის“ ქუთაისის ფილიალში დედაენის დღე საინტერესოდ აღინიშნა.  სკოლაში საქართველოს ისტორიაში ამ უმნიშვნელოვანეს თარიღს საგანმანათლებლო ღონისძიებები მიეძღვნა. 

საჩვენებელ გაკვეთილებს, მუსიკალურ ნომრებსა და სხვა აქტივობებს, რომელთაც ქუთაისის პროგრესის მოსწავლე-მასწავლებლები უძღვებოდნენ, მოწვეული სტუმრები, სკოლა „პროგრესის“ თბილისისა და ბათუმის ფილიალების მოსწავლე-მასწავლებლები ესწრებოდნენ.

როგორც სკოლაში აღნიშნავენ, დედაენის დღის აღნიშვნასთან ერთად, ღონისძიებები „პროგრესის“ სამი ფილიალის მოსწავლეებისა და მასწავლებლების გაცნობას, დაახლოებასა და ურთიერთთანამშრომლობის გაღრმავებას ისახავდა მიზნად.