აფხაზეთის N10 სკოლის IX კლასის მოსწავლე რაულ შენგელიამ „აფხაზეთის ავტონომიური რესპუბლიკის ეტალონი მოსწავლის“ ტიტული მოიპოვა
აფხაზეთის N10 საჯარო სკოლის IX კლასის მოსწავლე რაულ შენგელიამ „აფხაზეთის ავტონომიური რესპუბლიკის ეტალონი მოსწავლის“ ტიტული მოიპოვა.
მან საქართველოს ეროვნულ ინტელექტ-ჩემპიონატ „ეტალონში“ 81 ქულა დააგროვა და პირველი ადგილი დაიმსახურა. მოსწავლე, ამ გამარჯვებით, ფინალურ ეტაპში მიიღებს მონაწილეობას.
ჩემპიონატი დასწრებით ფორმატში აფხაზეთის ავტონომიური რესპუბლიკის განათლებისა და კულტურის სამინისტროს ვ. არქანიას სახელობის არტ-გალერეაში გაიმართა. მასში აფხაზეთის საჯარო და ოკუპირებული ტერიტორიის სკოლების მოსწავლეები მონაწილეობდნენ.
სკოლისთვის რაულ შენგელიას წარმატება სასიხარულო და საამაყოა.