გეგუთის ვარციხჰესების საჯარო სკოლის მე-2 კლასის მოსწავლეებმა „მინი მუზეუმი“ მოაწყვეს
წყალტუბოს მუნიციპალიტეტის სოფელ გეგუთის ვარციხჰესების საჯარო სკოლის მე-2 კლასის მოსწავლეებმა სასკოლო სივრცეში „მინი მუზეუმი“ მოაწყვეს. მოსწავლეებმა მოიძიეს ძველი ნივთები და „მუზეუმში“ განათავსეს, მათ გიდის როლიც მოირგეს და დამთავალიერებლებს შესაბამის ინფორმაციას აწვდიდნენ.
გამოფენილი იყო აღნიშნული პროექტის ფარგლებში, პირველ ეტაპზე, მოსწავლეთა მიერ შესრულებული პრეზენტაციები, სადაც მათ ინფორმაცია მსოფლიოს ცნობილი მუზეუმების შესახებ წარმოადგინეს.
აქტივობის ხელმძღვანელი ლანა ტყეშელაშვილი იყო.
„მოსწავლეებმა წარმოადგინეს ძველი ნივთები, რომლებიც თემატურად იყო განლაგებული. ბავშვებმა მოირგეს გიდის როლი და უმასპინძლეს სკოლის სხვა მოსწავლეებსა თუ პედაგოგებს“,- აღნიშნავენ სკოლაში.
იხილეთ ფოტოები: