პოლკოვნიკ ტარიელ შარიფაშვილის სახელობის კასპის მუნიციპალიტეტის სოფელ ზემო ხანდაკის საჯარო სკოლაში დედამიწის დღე აღინიშნა.
ამ გარემოსდაცვით დღესთან დაკავშირებით, მოსწავლეებმა, გეოგრაფიის მასწავლებლის, მარინა ჩეჩელაშვილის ხელმძღვანელობით საკუთარი ნამუშევრების გამოფენა მოაწყვეს.
მოსწავლეებმა გარემოსდაცვით თემებზე შთამბეჭდავი ნამუშევრები შექმნეს და ნიჭი და შესაძლებლობები წარმოაჩინეს.
აღსანიშნავია, რომ ზემო ხანდაკის საჯარო სკოლაში მოსწავლეთა ეკოლოგიური ცნობიერების ამაღლებას დიდი ყურადღება ექცევა, ამ მიზნით პედაგოგები მოსწავლეებს არაერთ აქტივობასა თუ ღონისძიებას სთავაზობენ და გარემოს დაცვის მნიშვნელობაზე ესაუბრებიან.
დედამიწის დღე ყოველწლიური ღონისძიება, რომელიც 22 აპრილს აღინიშნება. ამ დღეს მსოფლიო ეკოლოგიური გამოწვევების წინაშე ერთიანდება. ამ დღესთან დაკავშირებით 193 ქვეყანაში გარემოსდაცვითი ღონისძიებები იმართება.
იხილეთ ვიდეო:
