დედაენის ღირსეული მცველები სიქთარვის საჯარო სკოლიდან
27-04-2022
თერჯოლის მუნიციპალიტეტის სოფელ სიქთარვის საჯარო სკოლაში დედაენის დღე აღნიშნეს.
გამართულ ღონისძიებაზე ქართული ენისა და ამ დღის მნიშვნელობისა და ისტორიის შესახებ ვრცლად ისაუბრეს. მოსწავლეებმა წაიკითხეს ლექსები და აქტივობაში დიდი მონდომებით ჩაერთნენ. მათ თავიანთი შესაძლებლობები კარგად წარმოაჩინეს.
გარდა ამისა, პირველი კლასის მოსწავლეებს თერჯოლის მუნიციპალიტეტის მერმა, ლაშა გოგიაშვილმა, მუნიციპალიტეტის მერიის, საკრებულოსა თუ საგანმანათლებლო რესურსცენტრის თანამდებობის პირებთან ერთად, სამახსოვროდ წიგნები გადასცა.
სკოლა მათ, მოსწავლეების გახარებისთვის, მადლობას უხდის.
გამართულ ღონისძიებაზე ქართული ენისა და ამ დღის მნიშვნელობისა და ისტორიის შესახებ ვრცლად ისაუბრეს. მოსწავლეებმა წაიკითხეს ლექსები და აქტივობაში დიდი მონდომებით ჩაერთნენ. მათ თავიანთი შესაძლებლობები კარგად წარმოაჩინეს.
გარდა ამისა, პირველი კლასის მოსწავლეებს თერჯოლის მუნიციპალიტეტის მერმა, ლაშა გოგიაშვილმა, მუნიციპალიტეტის მერიის, საკრებულოსა თუ საგანმანათლებლო რესურსცენტრის თანამდებობის პირებთან ერთად, სამახსოვროდ წიგნები გადასცა.
სკოლა მათ, მოსწავლეების გახარებისთვის, მადლობას უხდის.
14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა.
1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.
იხილეთ ფოტოები:
სკოლების სიახლეები
