„ჩვენ გვიყვარს დედამიწა“- ბუთურაულის საჯარო სკოლაში მრავალფეროვანი გარემოსდაცვითი ღონისძიება ჩატარდა
27-04-2022
იაგო მიქელაძის სახელობის შუახევის მუნიციპალიტეტის სოფელ ბუთურაულის საჯარო სკოლაში ხშირად ტარდება სხვადასხვა მნიშვნელოვან მოვლენებთან დაკავშირებული ღონისძიებები.
სკოლაში პრიორიტეტულ თემებს შორის ერთ-ერთი გარემოს დაცვაა და ამ კუთხით მნიშვნელოვანი აქტივობები სისტემატიურად იმართება.
ამჯერად, გეოგრაფიის მასწავლებლის, როინ დიასამიძის ხელმძღვანელობით VIII კლასის მოსწავლეებმა დედამიწის დღეს ღონისძიება მიუძღვნეს.
ისაუბრეს ეკოლოგიურ პრობლემებზე, შექმნეს პლაკატი - „ჩვენ გვიყვარს დედამიწა“, უყურეს ვიდეორგოლებს. გარდა ამისა, სკოლის მიმდებარე ტერიტორიაზე დარგეს მარადმწვანე მცენარეები.
მოსწავლეები აქტივობაში დიდი ხალისითა და ინტერესით ჩაერთნენ.
იხილეთ ფოტოები:
სკოლების სიახლეები
