სარგვეშის საჯარო სკოლის მასწავლებელმა, თამარ მალაღურაძემ მოსწავლეებს, დედამიწის დღესთან დაკავშირებით, საინტერესო აქტივობები შესთავაზა
21-04-2022
ხარაგაულის მუნიციპალიტეტის სოფელ სარგვეშის საჯარო სკოლა დედამიწის დღის აღნიშნვას შეუერთდა.
ამ დღესთან დაკავშირებით, ქიმია-ბიოლოგიის მასწავლებელმა თამარ მალაღურაძემ ღია გაკვეთილი ჩაატარა და მოსწავლეებთან ერთად, რამდენიმე საინტერესო აქტივობა განახორციელა.
გაიმართა ვიქტორინა, მონაწილეებმა პასუხები დედამიწის თემაზე დასმულ კითხვებს გასცეს. მოსწავლეებმა თემატური პლაკატები - „გავუფრთხილდეთ დედამიწას“ დაამზადეს. გარდა ამისა, მათ სკოლის ეზო და მიმდებარე ტერიტორიაც დაასუფთავეს. ასევე მარადმწვანე, მსხმოიარე და ყვავილოვანი მცენარეები დარგეს.
მოსწავლეები აქტივობაში დიდი ხალისითა და ინტერესით ჩაერთნენ.
იხილეთ ფოტოები:
სკოლების სიახლეები
