წმიდა ნინოს სახელობის ქუთაისის N3 საჯარო სკოლაში ფოტოკონკურსი თემაზე - „ცხოველები - თერაპია“ გამოცხადდა.

კონკურსის მიზანია: მოზარდებში შინაური ცხოველების მიმართ ემპათიისა და ჰუმანური განწყობა-დამოკიდებულებების ჩამოყალიბება და სოციალური პასუხისმგებლობის წახალისება.

დასაშვებია კონკურსის თემის ინდივიდუალური ინტერპრეტაცია, მაგრამ საკონკურსო ნამუშევრები უნდა ასახავდეს კონკურსის თემას.

მონაწილეობის პირობები:

კონკურსში მონაწილეობა ყველა მსურველს შეუძლია.

საკონკურსო ფოტოების წარდგენის პროცედურა კი შემდეგია:

1. კონკურსანტმა საკონკურსო ფოტო ნამუშევრები უნდა წარადგინოს წმინდა ნინოს სახელობის ქუთაისის N3 საჯარო სკოლაში.

მისამართი: წმინდა ნინოს N2. ( შესაბამისი ჯგუფის დამრიგებლებთან ან ინფორმაციულ მენეჯერთან).

ფოტო ნამუშევარს თან უნდა ერთვოდეს შემდეგი ინფორმაცია:

1. კონკურსანტის სახელი, გვარი, კლასი, ტელეფონის ნომერი;
2. დაუშვებელია ფოტოზე ავტორის ვინაობის/ფსევდონიმის/ლოგოტიპის მითითება. ამგვარი ფოტოები უპირობოდ მოიხსნება კონკურსიდან;
3. ფოტო განთავსებული უნდა იყოს A4 ზომის გლუვ (მატოვი) ქაღალდზე;
4. საკონკურსო ნამუშევრები მიიღება 27 მაისის ჩათვლით;
5. კონკურსანტს შეუძლია გამოგზავნოს ფოტოების შეუზღუდავი რაოდენობა. არათემატური ფოტოები მოიხსნება კონკურსიდან;
6. კონკურსანტი ვალდებულია იყოს ნამუშევრის ავტორი;
7. დამუშავება ციფრული რედაქტორების საშუალებით შესაძლებელია, მაგრამ აკრძალულია ფოტომონტაჟი;
8. ფოტოები არ უნდა შეიცავდეს სარეკლამო, ტექსტურ წარწერებს ან გრაფიკულ ელემენტებს, რაც არ წარმოადგენს კომპოზიციის ორგანულ ნაწილს.

გამარჯვებულებს შემდეგი სახის პრიზები გადაეცემათ:

• საუკეთესო ფოტო ნამუშევრები გამოიფინება სკოლის სივრცეში 1 ივნისს და მიეძღვნება ბავშვთა დაცვის საერთაშორისო დღეს;
• კონკურსის ყველა მონაწილეს გადაეცემა სპეციალური სერტიფიკატი.

შეფასების პროცესი:

ფოტო ნამუშევრები შეფასდება ჟიურის მიერ. ჟიური, დაკომპლექტებულია ორგანიზატორთა და ხელოვანთა წარმომადგენლობით;

ჟიური ნამუშევრებს განიხილავს სხვადასხვა ფაქტორის გათვალისწინებით, კერძოდ, კონკურსის თემა, შინაარსი, ფოტოს ხარისხი, ტექნიკური შესრულება, კომპოზიცია და ორიგინალურობა.