ბათუმის N22 საჯარო სკოლაში, ქართული ენისა და ლიტერატურის პედაგოგმა, ნარგულ ხიმშიაშვილმა „ვეფხისტყაოსნის“ კვირეული მოაწყო.
„გაცოცხლებული ვეფხისტყაოსანი“ ასე ჰქვია მრავალფეროვანი საგანმანათლებლო ღონისძიებებით გაჯერებულ კვირეულს, რომელშიც ჩართული იყვნენ მე-10გ და „ბ“ კლასის მოსწავლეები.
აქტივობის ფარგლებში მოეწყო გამოფენა სკოლის შესასვლელში, ასევე მოსწავლეებმა ვეფხისტყაოსნის საინტერესო სტროფები და მონაკვეთები წაუკითხეს მეექვსე კლასის მოსწავლეებსაც. ამ აქტივობის დაგვირგვინება კი პეტრას ციხეს მონახულება იყო, სადაც გაიმართა კონკურსი, მოსწავლეებმა ისწავლეს სტროფები. გამარჯვებული მოსწავლეები კი სკოლის დირექტორმა, გიორგი რუხაძემ სიგელებითა და ჯილდოებით დააჯილდოვა.
„მადლობა ამ საინტერესო აქტივობებისთვის ჩვენს აქტიურ და ყოველთვის გამორჩეულ პედაგოგს, ნარგულ ხიმშიაშვილს“,- აღნიშნავენ სკოლაში.
იხილეთ ფოტოები და ვიდეოები:
