ნინოწმინდის მუნიციპალიტეტის სოფელ ჟდანოვის საჯარო სკოლა სკოლაში საქართველოს ისტორიაში მნიშვნელოვან თარიღებს მუდამ განსაკუთრებულ აქტივობებს უძღვნიან.

ამჯერად სკოლაში დედაენის დღე აღნიშნეს.

14 აპრილს ქართული ენის მასწავლებელმა, ჰაიკანუშ თუმასიანმა ქართული ენის დღისადმი მიძღვნილი ღონისძიება მე-4 და მე-3 კლასის მოსწავლეებთან ერთად გამართა.

ღონისძიება მრავალფეროვანი აქტივობებით იყო გაჯერებული და საზეიმოდ გამოწყობილმა ბავშვებმა სხვადასხვა ლექსები წარმოთქვეს.

14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა. 

1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.

იხილეთ ფოტოები: