არეშფერანის საჯარო სკოლაში შთამბეჭდავი ღონისძიება გაიმართა
18-04-2022
ლაგოდეხის მუნიციპალიტეტის სოფელ არეშფერანის საჯარო სკოლაში სხვადასხვა საინტერესო და მრავალფეროვანი აქტივობებით გაჯერებული ღონისძიებები ხშირად იმართება.

ამჯერად, სკოლაში 14 აპრილის, დედაენის დღისადმი და 15 აპრილის, სიყვარულის დღისადმი მიძღვნილი გრანდიოზული ღონისძიება ჩატარდა.

ღონისძიების ორგანიზატორები სკოლის ფილოლოგები: თამარ ბრეგვაძე, დარეჯან სხირტლაძე, ნათია ფერაძე და თინათინ წიწილაშვილი იყვნენ.

თითოეულმა პედაგოგმა დიდი ღვაწლი ჩადო დღის სრულყოფაში. ღონისძიება სკოლის ეზოში ჩატარდა და მთელი სასკოლო საზოგადოება მიიწვიეს.

ღონისძიებაში მე-2-დან 12-ე კლასის ჩათვლით მოსწავლეები მონაწილეობდნენ. სიტყვებით, ლექსებით, სიმღერებითა თუ ცეკვებით გაამრავალფეროვნეს დღე.

„მადლობა მათ ამ შესანიშნავი დღისათვის“, - წერია სკოლის გავრცელებულ ინფორმაციაში.

​იხილეთ ფოტოები და ვიდეომასალა:




 
სკოლების სიახლეები
დაგვიკავშირდით
557 54 00 60
მოგვწერეთ
etaloniganatleba@etaloni.ge
მისამართი
0119, თბილისი, წერეთლის გამზ. #116 „დიდუბე პლაზა“ ოფისი 203