ქობულეთის N2 საჯარო სკოლა ზრუნავს მრავალფეროვანი სასწავლო გარემოს შექმნაზე და მოსწავლეთა მოტივაციის ამაღლებაზე. პედაგოგები მუდმივად ცდილობენ მოსწავლეები სხვადასხვა ტიპის პროექტებში ჩართონ, მისცენ მათ მოტივაცია და ხალისი, რათა სასწავლო პროცესი გახდეს, კიდევ უფრო საინტერესო და მიმზიდველი.
სკოლის მიერ მოწოდებული ინფოემაიის მიხედვით, პროექტის - „კლიმატის ცვლილებით გამოწვეული კატასტროფების რისკის შემცირება საქართველოში“ ფარგლებში, ქობულეთის N2 საჯარო სკოლის მე-8 კლასის მოსწავლეებისთვის ჩატარდა ტრენინგი.
„ტრენინგს - „კლიმატის ცვლილებით გამოწვეული კატასტროფის რისკის შემცირება“ გარემოსდაცვითი ინფორმაციის და განათლების ცენტრის ადგილობრივი კოორდინატორი, ეკატერინე ცეცხლაძე უძღვებოდა.
ტრენინგის განმავლობაში განხილული იყო შემდეგი საკითხები: კატასტროფა და ბუნებრივი მოვლენა - განსხვავება ტერმინებს შორის, კატასტროფის რისკის შემცირებასთან დაკავშირებული ძირითადი ტერმინები: კატასტროფის რისკი, კატასტროფის რისკის შემცირება, საფრთხე, მოწყვლადობა და კატასტროფის მართვის ფაზები“, - აღნიშნულია მოწოდებულ ინფორმაციაში.
იხილეთ ფოტოები:
