მარნეულის მუნიციპალიტეტის სოფელ ჯანდარის საჯარო სკოლის მოსწავლეებმა დედაენის დღესთან დაკავშირებულ ვიქტორინაში პირველი ადგილი დაიკავეს. 

ვიქტორინა პროფესიულ კოლეჯ „მოდუსში“ გაიმართა, მასში მარნეულის სხვადასხვა სკოლის მოსწავლეები მონაწილეობდნენ. მათ ღირსეულად იასპარეზეს და თავიანთი შესაძლებლობები წარმოაჩინეს. 

მოსწავლეები აქტივობაში დიდი მონდომებით, ინტერესითა და ხალისით ჩაერთნენ. 

სკოლა ამაყობს მოსწავლეების მიღწევებით და წარმატებას უსურვებს.