მოხევე ფალავნის კიდევ ერთი ბრწყინვალე გამარჯვება - სიონის საჯარო სკოლის მოსწავლე რეზო მარსაგიშვილმა ჭიდაობის ჩემპიონატში წარმატება მოიპოვა
15-04-2022
ყაზბეგის მუნიციპალიტეტის სოფელ სიონის საჯარო სკოლაში არაერთი ნიჭიერი მოსწავლე სწავლობს, რომელთა წარმატებას სკოლა საზოგადოებას დიდი სიხარულით აცნობს ერთ-ერთია მე-12 კლასის მოსწავლე - რეზო მარსაგიშვილი, რომელიც წარმატებული სპორტსმენია.
13 აპრილს, ქალაქ გურჯაანში სტარტი აიღო საქართველოს ჩემპიონატმა თავისუფალ ჭიდაობაში, ახალგაზრდებს შორის.
ჩემპიონატში ყაზბეგის მუნიციპალიტეტის ჭიდაობის წრის წარმომადგენელი, სიონის საჯარო სკოლის მე-12 კლასის მოსწავლე - რეზო მარსაგიშვილი მონაწილეობდა.
მოხევე ფალავანი მოქმედი საქართველოს ჩემპიონია ჭაბუკთა შორის და ახალგაზრდულ პირველობაზე დებიუტანტის რანგში - 57 კილოგრამ წონით კატეგორიაში მონაწილეობდა.
მოხევე ფალავანმა კიდევ ერთი ბრწყინვალე გამარჯვება მოიპოვა ნახევარფინალურ ბრძოლაში.
სკოლების სიახლეები
