აფხაზეთის N12 საჯარო სკოლაში კიდევ ერთი სამახსოვრო ღონისძიება გაიმართა. სკოლის წარმომადგენლის მიერ მოწოდებული ინფორმაციის მიხედვით, აფხაზეთის N12 საჯარო სკოლის მასწავლებლებმა მოსწავლეებთან ერთად გაიხსენეს 9 აპრილის ტრაგიკული მოვლენები.
„9 აპრილი, საქართველოს ისტორიის ამ ორი მნიშვნელოვანი თარიღის აღსანიშნავად აფხაზეთის N12 საჯარო სკოლაში ღონისძიება გაიმართა სახელწოდებით „9 აპრილიდან - 9 აპრილამდე“.
სკოლის პედაგოგებმა აღსაზრდელებთან ერთად გაიხსენეს 9 აპრილის ტრაგიკული მოვლენები, კიდევ ერთხელ პატივი მიაგეს თავისუფლებისათვის ბრძოლაში დაღუპულებს. ისაუბრეს გმირობასა და ქვეყნის ერთგულებაზე.
გაიხსენეს 1991 წლის 9 აპრილი დღე, რომლითაც დაგვირგვინდა თავისუფლებისათვის ბრძოლის უმძიმესი გზა“, - აღნიშნულია მოწოდებულ ინფორმაციაში.
1989 წლის 9 აპრილიდან ზუსტად მეორე წლისთავზე, 1991 წელს საქართველოს უზენაესმა საბჭომ ზვიად გამსახურდიას მეთაურობით საქართველოს დამოუკიდებლობის აქტი მიიღო.
9 აპრილი საქართველოს უახლეს ისტორიაში ჩაეწერა ტრაგედიის და ამავდროულად საქართველოს დამოუკიდებლობის აღდგენის დღედ.
იხილეთ ფოტოები: