ბათუმში ახალი საბავშვო ბაღი შენდება - სკოლამდელი აღზრდის დაწესებულება საერთაშორისო სტანდარტების შესაბამისად შენდება, რომელიც 300-მდე ბავშვზეა გათვლილი, - ინფორმაციას ადგილობრივი მუნიციპალიტეტი ავრცელებს.

გარდა შიდა ინფრასტრუქტურისა, ეზო კეთილმოეწყობა და საბავშვო ატრაქციონები დამონტაჟდება.

ამ ეტაპისთვის, შენობის საძირკვლის მოწყობის სამუშაოები მიმდინარეობს. საბავშვო ბაღის მშენებლობა მიმდინარე წლის ოქტომბერში უნდა დასრულდეს. პროექტის ღირებულება 2 574 000 ლარს შეადგენს. საბავშვო ბაღების მშენებლობა, პირველ რიგში, იმ უბნებში დაიგეგმა, სადაც მოთხოვნა განსაკუთრებით დიდი იყო.