საჩხერის მუნიციპალიტეტის, ლიჩის საჯარო სკოლაში, 1989 წლის 9 აპრილის მოვლენებთან დაკავშირებით, მოსწავლეებმა  სასკოლო აქტივობა ჩაატარეს, შექმნეს ნახატები და კიდევ ერთხელ იმოგზაურეს არცთუ შორეული ისტორიის ლაბირინთებში. 

ამ დღეს, ლიჩის საჯარო სკოლაში კიდევ ერთხელ გაიხსენეს 1989 წლის 9 აპრილის მოვლენები და პატივი მიაგეს საბჭოთა ჯარების მიერ დახოცილი მშვიდობიანი მომიტინგეების ხსოვნას!

2 550 ჯარისკაცი, 6 ჯავ­შან­ტრან­სპორ­ტი­ორი, დე­სან­ტის 8 საბ­რძო­ლო მან­ქა­ნა, 4 სა­ხან­ძრო მან­ქა­ნა და 2 სა­ნი­ტა­რუ­ლი ავ­ტო­მო­ბი­ლი 10000-კაციანი მშვიდობიანი დემონსტრაციის წინააღმდეგ. 1989 წლის 9 აპრილს, ღამის 4 საათზე, საბჭოთა კავშირის ჯარმა მხუთავი აირის, ორლესული ნიჩბებისა და ცეცხლსასროლი იარაღის გამოყენებით დაარბია თბილისში, რუსთაველის გამზირზე მიმდინარე მშვიდობიანი საპროტესტო აქცია. შედეგად, 21 ადამიანი დაიღუპა, მათ შორის, 16 ადგილზე გარდაიცვალა, 4 მოგვიანებით – საავადმყოფოში, ერთი, გია ქარსელაძე კი კომენდანტის საათის გამოცხადების შემდეგ, ცეცხლსასროლი იარაღით იქნა მოკლული. ასობით ადამიანი დაჭრეს და დაასახიჩრეს, ათასობით კი მოიწამლა.